རྒྱུ་ལྷག་གཉན་ཚད་ལ་རིགས་བཞི་ཡོད་པའི་རྒྱུ་ལྷག་གཉན་རྒོད་ནི་དཔྱད་སྡེ་ལས་ན་བ་ཆེས་མང་ཤོས་ཀྱི་ཚབས་ཆེའི་ཁོག་ནད་ཅིག་ཡིན།
དེས་ཕྱི་བཅོས་སྨན་ཁང་དུ་སྡོད་མཁན་གྱི་བརྒྱ་ཆ་༡༠～༡༥ཙམ་ཟིན། ནད་འདི་རྒས་གཞོན་ཚང་མར་ན། ལྷག་ཏུ་གཞོན་ནུ་ཟུངས་བཟང་ལ་
ན་བ་མང་ཞིང་། རྒན་བྱིས་ལ་ན་བ་ཅུང་ཉུང་། རྒྱུ་ལྷག་གཉན་རྒོད་རྒྱག་པའི་དུས་རིམ་མི་འདྲ་བ་ལྟར། ནད་འདི་ལ་རྒྱུ་ལྷག་གཉན་རྒོད་རྐྱང་
པ་དང་། རྣག་ཅན་གྱི་རྒྱུ་ལྷག སྐྲངས་ཐོ་ཅན་གྱི་རྒྱུ་ལྷག འདྲུལ་བའི་རྒྱུ་ལྷག་བཅས་རིགས་བཞི་ལ་དབྱེ།
  བརྟག་ཐབས།
  ༡ རྒྱུ་སྨད་གཡས་ནས་གཟེར་མིག་སྤོ་བ། ཟུག་གཟེར་ཆེན་པོ་བར་མ་ཆད་པར་རྒྱག གཟེར་མིག་སྤོ་ནས་ན་བའི་རྒྱུ་གཟེར་ནི་ནད་འདིའི་
དམིགས་བསལ་གྱི་ཁྱད་ཆོས་ཡིན་པས། ནད་པ་བརྒྱ་ཆ་༨༠ཡན་ལ་རྟགས་འདི་ཡོད།
  ༢ ཕོ་བ་དང་རྒྱུ་མ་ལ་བརྟག་པ།
  དང་ག་འགག་པ། སྐྱུགས་མེར་ལངས་པ། སྐྱུགས་པ། ནད་པ་འགའ་རེ་རྒྱུ་གཟེར་བརྒྱབ་རྗེས་བཤང་གཅི་འགག་པའམ་ཁོག་པ་བཤལ།  རྒྱུ་
དཀར་གྱི་གཡས་སྟོད་མནན་ན་གཟེར། རྒྱུ་སྨད་གཡས་ཀྱི་གསང་མིག་ཏུ་མར་མནན་ན་གཟེར་ཞིང་ཡར་བཏེགས་ནའང་གཟེར། གསུས་ཤ་
མཁྲང་།
  ༣ ལུས་ཧྲིལ་པོར་བརྟག་པ།
  ཚ་བ་རྒྱག་པ། གྲང་འདར་རྒྱག་པ། མགོ་གཟེར་ཞིང་མགོ་ཡུ་འཁོར་བ། ལུས་པོ་ངལ་ཞིང་ཤུགས་མེད་པ། ལུས་སྒུར་ན་ཕན་སྙམ་བྱེད་ཅིང་
དགྱེ་མི་ཐུབ་པ། ལུས་གཅུས་དཀའ་བ། གོམ་པ་སྤོ་བ་དང་དབུགས་སྒོམ་པ། ལུ་བ་བཅས་ཀྱི་སྐབས་སུ་གཟེར་ཟུག་ལྷག་པར་དུ་ཆེ།  ནད་འདི་
ཕོག་པར་བཅོས་ཐབས་འགའ་ཡོད་ཀྱང་མཐའ་ཆོད་པ་ནི་བཤའ་བཅོས་ཁོ་ན་ཡིན། ནད་རྟགས་མངོན་ནས་ཆུ་ཚོད་༢༤ནང་ཚུན་དུ་བཤའ་
ཐུབ་ན་ལེགས། ཁྱད་པར་དུ་རྒས་པ་དང་བྱིས་པ་སྦྲུམ་མ་བཅས་ལ་ཇི་ཙམ་མྱུར་ན་དེ་ཙམ་ལེགས། དེ་ལས་འགོར་ན་བརྡོལ་ནས་རྒྱུ་མ་དང་།
 ལྒང་པ། མཆིན་པ། བུ་སྣོད། མཆིན་པ་བཅས་ལ་གནོད་པ་བཟོ་བ་དང་ནད་དུག་གིས་འཆི་ཉེན་ཆེ།
  མཆན།
  རྒྱུ་ལྷག་གཉན་ཚད། 阑尾炎appendicitis ཟས་འཇུ་མི་ནུས་པར་རྒྱུ་འབུར་ལྷག་མ་ཞིག་ཡོད་པ་ལ་གཉན་ཚད་རྒྱག་པའི་ནད་ཅིག

  རྒྱུ་ལྷག་གཉན་རྒོད། 急性阑尾炎acute appendicitis རྒྱུ་ལྷག་གཉན་ཚད་ལ་ཞི་དྲག་གཉིས་ཡོད་པའི་དྲག་པོ།

  དཔྱད་སྡེ། 外科 surgery འདྲལ་གཅོད་སོགས་དྲག་ཐབས་ལ་བརྟེན་ནས་ནད་བཅོས་པའི་སྡེ་ཚན་ཞིག

  སྡོད་བཅོས་ནད་པ། 住院病人 an inpatient སྨན་ཁང་དུ་བསྡད་ནས་ནད་བཅོས་པའི་ནད་པ།

  ཟུངས་བཟང་། 壮年 the prime of life ལུས་སྟོབས་བཟང་པོ་ཡོད་པ།

  འདྲུལ་བ། 坏疽 gangrene རུལ་ནས་ཟག་པ།

  གསུས་ཤ ཕོ་བའམ་རྒྱུ་མའི་ཐད་ཀྱི་ཕྱི་ཤ་སྟེ་ཕོ་བའི་དར་ཤའང་ཟེར།

（ཨོ་རྒྱན་ཚེ་རིང་གིས་བྲིས།）